Oc:OpenstreetMap-oc
GeoOccitania
GeoOccitania recampa lo pretzfach de cartografia occitana començat per la Comission Toponimica Occitana de l’Institut d’Estudis Occitans en 2007. Son objectiu es de veire, emplegar e melhorar la cartografia de l’espaci lingüistic occitan dins OpenStreetMap.
Lo projècte permet de:
- restablir lei formas autenticas dei toponims;
- rendre visible e reutilizabla la cartografia occitana;
- aprendre e transmetre lei metòdes de cartografia;
- documentar lei formas, lei fònts e lei prononciacions;
- facilitar leis usatges pedagogics, culturaus e sociaus de la mapa.
Lo Portau GeoOccitania
Lo Portau GeoOccitania recampa la mapa occitana, leis aisinas de contribucion, lei tutoriaus e lei ressorsas cartograficas. La mapa presenta d’unei jaças tematicas per explorar lei toponims, l’idronimia, lo relèu, lo patrimòni, lei transpòrts e lei luòcs de practica de la lenga.
L’aplicacion web GeoOccitania facilita una correccion ponctuala: localizar un objècte, verificar sa forma occitana e durbir l’editor que convèn.
Contribuir
Lo nom occitan d’un objècte es notat amb name:oc=*. Sa fònt se declara
amb source:name:oc=*. Lei formas vengudas de BDTopoc son identificadas
per:
source:name:oc=ieo-bdtopoc
La contribucion se pòt faire amb:
- iD, dins lo navigator;
- Go Map!!, sus iPhone e iPad;
- Vespucci, sus Android;
- JOSM, per un trabalh regular ò mai avançat.
Abans de publicar, fau verificar que la forma es autentica, citar la fònt e legir leis avertiments de l’editor. Lei principis d’escritura e la terminologia son recampats dins Oc:Elements Cartografics e sus lo Portau GeoOccitania.
BDTopoc
BDTopoc es una collècta documentada de noms de luòcs occitans. Lei contribucions integradas dins OpenStreetMap eissidas d’aquela basa se pòdon seguir dins Taginfo. Lo depaus de donadas, sa documentacion e sei versions actualizadas son publicats sus data.gouv.fr.
Emplegar la mapa
Lei donadas d’OpenStreetMap pòdon èstre reemplegadas dins uMap, dins lo GPS OsmAnd e dins d’autrei servicis compatibles. Una basa comuna pòt ansin servir a fòrça mapas, sensa duplicar lei toponims.