Gl:Microbolsas/Microbolsas 2020

Dámosche a benvida á primeira versión do programa de microbolsas da Fundación OpenStreetMap (OSMF).

Datas importantes

As datas importantes son:

• Chamada aberta para propostas: 19 de abril de 2020
• Envío de propostas (data límite): 10 de maio de 2020

Exemplos de boas ideas

• Creación de documentación/cursos.
• Traballo de deseño (por exemplo, folletos, imaxes para o arquivo) ou a actualización doutros arquivos dixitais similares.
• Financiamento para integrar no currículo dunha escola ou universidade o mapeo, desenvolver proxectos de mapeo na súa área e traballar con persoas locais para empregar os seus datos.
• Financiamento para equipamento compartido de mapeo.
• Merchandising para recoñecer as contribucións excepcionais do voluntariado, ou outros de custo baixo.
• Custo de hospedaxe.
• Divulgación en escolas locais.
• Varios pequenos eventos (por exemplo, unha festa de mapeo).
• Proxectos de software que son parte dun programa máis grande e que teñen uso por si mesmos.
• Proxectos de software que se poderían completar durante o período das microbolsas.
• Espazos de traballo temporal.
• Programas de capacitación con encontros locais tecnolóxicos.
• Traballos de tradución.

Exemplos de ideas que é pouco probable que sexan aceptadas

• Bolsas académicas.
• Merchandising para todas as persoas que participen nun evento ou para a divulgación xeral, incluíndo camisetas.
• Un gran evento único.
• Premios por mapear.
• Hospedaxe recorrente, alugueiro e outros custos similares.
• Hardware do servidor.
• Mapeo tradicional de pago.
• Viaxe a unha conferencia ou un evento.
• Calquera compra ou actividade que podería entrar no orzamento de OSMF de forma normal, como melloras da infraestrutura xeral da OSMF ou soporte para grupos de traballo

A hospedaxe recorrente ou a compra de hardware para servidores podería ser aceptable nunha próxima iteración do proxecto.

Criterios de idoneidade

• As persoas que se presenten deben ser membros de OSMF (pero poden presentarse para selo no mesmo momento da petición da microbolsa).
• Tanto quen fai a petición como quen se beneficia deben ter un historial de actividade como voluntario de OSM (polo menos comparable en alcance á magnitude do proxecto).
• Importe máximo de 5000 EUR.
• Duración máxima do proxecto de 12 meses.
• Calquera individuo, grupo ou organización ten un máximo de tres microbolsas á vez.
• Os fondos para actividades fóra de liña normalmente se empregan para gastos directos e non para pagar o tempo das persoas. Preferimos habilitar ó voluntariado antes que pagar polo traballo. Inda así, o traballo remunerado no está excluído sempre e pode ser aceptado se o seu impacto é importante. Os fondos poderíanse usar para pagar o tempo das persoas en certos casos, como por exemplo, en proxectos de software e desenvolvemento de ferramentas.
• Debes aceptar os requisitos de informes, estar disposto a asinar un acordo pola microbolsa e proporcionar á Fundación OpenStreetMap a información necesaria para procesar o seu financiamento.
• Debes consultalo coa túa división local, se procede.
• Os proxectos con impacto local, deben discutirse coas comunidades locais pertinentes.
• O beneficio persoal debe ser pequeno comparado co beneficio xeral. A petición debería describir o potencial beneficio persoal.
• A iniciativa que propós debe estar aberta ó público xeral. Isto é, a asistencia a un evento debería ser gratuíta, o software debe ser de licenza aberta, os arquivos multimedia deben estar libres para a súa descarga e publicados baixo licenzas libres (podes ver a definición en https://opensource.org/osd).
• O proxecto ou a iniciativa debería estar directamente relacionada con OpenStreetMap, o que debería aparecer xustificado nos seus obxectivos.
• O número de persoas involucradas no proxecto ou na iniciativa non están limitadas (mais isto non afectará ó importe da microbolsa).
• O proxecto debe ser compartido e discutido amplamente durante o proceso de solicitude, polo menos no OSMF-talk e coa comunidade OSM.
• O proxecto non pode pagarlle a alguén para facer algo que podería ter feito facilmente o voluntariado.
• As persoas participantes do proxecto deben cumprir as normas da comunidade e deberían estar nunha boa posición dentro desta.
• Os proxectos poden ser obter fondos de calquera outra vía pero debe estar indicado na solicitude. As persoas candidatas deberían intentar atopar outras fontes de financiamento para o seu proxecto.

Como presentarse

Crea unha páxina nova na wiki nomeada como Microbolsas_2020/o_nome_da_túa_proposta (Axuda de MediaWiki:Comezar unha nova páxina) e completa o modelo de páxina de proposta e os detalles que de indican a continuación.

A proposta de microbolsa require o seguinte:

Sobre a túa comunidade mapeadora

Fálanos un pouco sobre a túa comunidade na actualidade. Algúns exemplos de informacións que poderías incluír están embaixo pero, por favor, proporciónanos toda a información que creas relevante.

Por favor, escribe 100 ou 200 palabras.

• En que cidade ou país te atopas
• En que ubicacións estivo centrado o teu mapeo
• Canto tempo ti ou a túa organización estivo mapeando
• Canta xente forma parte da túa comunidade
• O balance de xénero da túa comunidade de mapeo
• Cal é o propósito do teu mapeo (a túa misión)

Para que precisa o diñeiro da microbolsa?

Queremos saber que ten pensado comprar, canto e por que isto axudará a mellorar os seus esforzos de mapeo comunitario. Hai dous cadros para que completar e pode agregar máis filas se é preciso. Hai algúns exemplos no cadro e sempre podes empregar un formato diferente na túa proposta pero asegúrate de incluír todos os detalles.

Orzamento desenvolto

Elemento	En que vas gastar o diñeiro?	Custo esperado por unidade (en Euros)	Cantidade que tes pensado mercar / duración da subscrición	Custo total esperado (en Euros)	Por que o precisas? (por favor, dá todos os detalles que podas)
Exemplo	Acceso wifi a Internet	50€ ó mes	12 meses	600€	Isto permitirá celebrar mapatóns de até 40 persoas. Actualmente non temos acceso a Internet que nos permita celebrar mapatóns con grandes grupos. Ter wifi permitirá á nosa comunidade medrar e acadar os nosos obxectivos.
Exemplo	Dron con cámara	500€ por dron e cámara	2 unidades	1000€	Isto vai permitir capturar imaxes desde o dron para mapear con detalle a nosa cidade xa que as imaxes de satélite dispoñibles son de mala calidade actualmente e non son útiles para mapear estradas, beirarúas e casas en detalle.
1
2
3
4
5
6
7
8

Se consigo a microbolsa, que pretendo acadar?

É recomendable que esta axude á misión da Fundación OSM e da súa comunidade local. Por favor, proporciónanos información relevante incluíndo as métricas que espera obter. Por favor, escriba entre 100 e 200 palabras.

Algúns exemplos de detalles poden ser os seguintes, ou outros que decida:

• Como o proxecto axuda á comunidade
• A área que ten pensado mapear
• Que volume de mapa ten pensado completar (por exemplo, número de persoas, número de quilómetros cadrados)
• Cantas persoas membro da túa comunidade existente pretende formar
• Cantos membros esperas que se unan á túa comunidade

Recibes financiamento por outras vías actualmente?

Se recibes financiamento desde outras organizacións na actualidade, por favor, indícanos de canto son, se son regulares ou únicas e como foron obtidas. Por favor, non escribas máis de 300 palabras. Se tes fontes de cofinanciamento para a solicitude de microbolsa, proporciónanos algúns detalles. Algúns exemplos disto poden ser, se tes algún socio que estaría disposto a igualar o financiamento da microbolsa se a recibe ou se o seu proxecto ten xa financiamento. Proporciona os máis detalles posibles.

Hai algunha cousa coa que querería o apoio da OSMF?

Se hai algo no que precisas o apoio da OSMF para o reforzo do teu proxecto, infórmanos. Por exemplo, para incluír a creación de relacións coas comunidades OSM, a subministración de imaxes actualizadas para proxectos de mapeo ou indicacións sobre como usar algunhas ferramentas das que creamos. Queremos facer o mellor para apoiar as comunidades OSM, así que fainos saber o que precisas. Non escribas máis de 150 palabras.

Declaración

Cando envías este formulario á Fundación OpenStreetMap, certificas que a información contida nesta solicitude é correcta e que, se te fora concedida a microbolsa, usarala só para os fins descritos anteriormente. Achegarás documentación e recibos por escrito de todos os teus gastos á Fundación OSM para demostralo. Entendes que as decisións tomadas polo comité de microbolsas da Fundación OSM son definitivas.

Apoios

Animamos á comunidade a apoiar os proxectos! Fai que a comunidade o coñeza

Se tes calquera problema coa edición do wiki para cubrir a túa solicitude, podes enviarnos unha mensaxe ó enderezo microgrants@osmfoundation.org

Comezar a túa solicitude

Crea a túa solicitude de microbolsa introducindo o nome do teu proxecto a continuación e premendo en Comezar a miña solicitude. Podes editar o wiki respondendo as preguntas. Recorda previsualizar os teus cambios antes de gardar os cambios.

Propostas

Lista de propostas que foron enviadas