Shn:Features
တီႈ ဢူဝ်းပႅၼ်းသထရိမႅပ်ႉ ၼႆႉ ၽၢင်ႁၢင်ႈ ဢၼ်ဝႃႈၼႆႉ ပဵၼ် ၶူဝ်းၶွင်ဢၼ်ႁၼ်တူဝ်ႁၼ်ႁၢင်ႈ တီႈၼႂ်း ၽႅၼ်ႇယဵမ်ႈ ဢၼ်ၸၢင်ႈ ၸၼ်ပဵၼ်ႁၢင်ႈၽႅၼ်ႇလိၼ်ၼၼ်ႉယဝ်ႉ။ ဢၼ်ၼႆႉ ၸၢင်ႈၶဝ်ႈပႃးလႆႈ ၶူဝ်းၶွင်သၽႃႇဝ ၾိင်ႈတိုၼ်း ဢိၵ်ႇတင်း ၶူဝ်းၶွင် ဢၼ်ၵူၼ်းႁဵတ်းဝႆႉ၊ ၵူၺ်းၵႃႈဝႃႈ ဢူဝ်းပႅၼ်းသထရိမႅပ်ႉ ၼႆႉ ပဵၼ် လွင်ႈၸၼ်ႁၢင်ႈၽႅၼ်ႇလိၼ် ၽၢင်ႈႁၢင်ႈဢၼ်တႄႉ ၶွင် ဢၼ်မီးတႄႉ တီႈၼႂ်း ၸၢတ်ႈပၢၼ်တႄႉတႄႉၼၼ်ႉယူႇ။ ဢၼ်ႁဝ်းၶႃႈ ႁဵတ်းၼႆႉ တေဢမ်ႇၶဝ်ႈပႃး ၶေႃႈမုၼ်းတၢင်းႁၼ်ထိုင် မိူၼ်ၼင်ႇဝႃႈ လွင်ႈမၵ်းမၼ်ႈၸၼ်ႉထၢၼ်ႈ၊ ၽၢင်ႁၢင်ႈပိုၼ်း ဢမ်ႇၼၼ် ၶေႃႈႁၼ်ထိုင်။
ၽၢင်ႁၢင်ႈၵမ်ႈၼမ် ၸၢင်ႈတၢင်တူဝ်လႆႈ ၼႂ်း OpenStreetMap မိူၼ်ၼင်ႇ ၶူဝ်းၶွင်ဢၼ်လဵဝ် (node/way/relation) လူၺ်ႈတင်း ထႅၵ်ႉ ဢမ်ႇၼၼ် ထႅၵ်ႉဢွၼ်ႇလၢႆလၢႆဢၼ် တႃႇၸႅၵ်ႇမဵဝ်းမၼ်းၼၼ်ႉယဝ်ႉ။ တူဝ်ယၢင်ႇမၼ်း မၼ်ၼင်ႇ သဵၼ်ႈတၢင်း ဢၼ်မီး ထႅၵ်ႉဢၼ်လဵဝ် တွၼ်ႈတႃႇ လွင်ႈၸႅၵ်ႇမဵဝ်းမၼ်း (တ.ယ. highway=footway)၊ လႄႈ ၸၢင်ႈပဵၼ်ၸိုဝ်ႈဢၼ်ၸႂ်ႉတိုဝ်း name=* ၼၼ်ႉယူႇ။ ၵူၺ်းၵႃႈဝႃႈ ယွၼ်ႉပိူဝ်ႈ ပဵၼ်ႁၢင်ႈၽႅၼ်ႇလိၼ် ဢၼ်ၶဝ်ႈပႃးတင်းလူၵ်ႈလႄႈ တီႈ ဢူဝ်းပႅၼ်းသထရိမႅပ်ႉၼႆႉ မီးဝႆႉ လွင်ႈတၢင်း ဢၼ်ပႅၵ်ႇပႅၵ်ႇဝႆႉတင်းၼမ်သေ မၼ်းၵေႃႈ မီးလွၵ်းလၢႆး ၸႂ်ႉထႅၵ်ႉသေ ၼႄၽၢင်ႁၢင်ႈၶဝ်လႆႈယူႇၼင်ႇၵဝ်ႇ။
သဵၼ်ႈမၢႆၽၢင်ႁၢင်ႈ
တွၼ်ႈတႃႇ သဵၼ်ႈမၢႆဢၼ်ပိူၼ်ႈၸႂ်ႉၼမ် လႄႈ ထႅၵ်ႉၶဝ်ၼၼ်ႉ တူၺ်းတီႈ ၽၢင်ႁၢင်ႈၽႅၼ်ႇလိၼ်ၼၼ်ႉလႄႈ။ လိင်ႉၶ်သဵၼ်ႈမၢႆ ၸိူဝ်းၼႆႉ လုၵ်ႉတီႈၼႃႈလိၵ်ႈၽိုၼ်ၵႅမ်မိုဝ်း ဝီႇၶီႇ ဢၼ်ၸႂ်ႉဝႆႉတင်း တူဝ်ၼမ်း "Tag:" ဢမ်ႇၼၼ် "Key:" ၼၼ်ႉယဝ်ႉ။ ပေႃးႁႃၼႂ်း ဝီႇၶီႇၼႆၵေႃႈ တေႁၼ်လႆႈ ၼႃႈလိၵ်ႈၸိူဝ်းၼႆႉယူႇ။ တွၼ်ႈတႃႇ ၵမ်ႉပႃႈၼမ်တႄႉ ႁဝ်းၶႃႈလႆႈၽွမ်ႉၸႂ်မႃး တႃႇၸႂ်ႉၸိုဝ်ႈထႅၵ်ႉ ဢၼ်ႁူႉငၢႆႈ ပွင်ႇၸႂ်ငၢႆႈၼၼ်ႉယူႇ၊ ၵူၺ်းၵႃႈဝႃႈ တီႈၽိုၼ်ၵႅမ်မိုဝ်းၼၼ်ႉ ပၼ်ပႃးဝႆႉ ၶေႃႈသပ်းလႅင်း၊ ၶေႃႈပိုတ်ႇတီႈပွင်ႇ လႄႈ ၶေႃႈမိူၼ်ၵၼ် ၸိူဝ်းၼႆႉ ဢိၵ်ႇတင်း ထႅၵ်ႉတၢင်ႇၸိူဝ်း ဢၼ်ပဵၼ်ၸိူဝ်း ၸႅၵ်ႇမဵဝ်းမၼ်းၼၼ်ႉယူႇ။
ၼႃႈလိၵ်ႈၽၢင်ႁၢင်ႈ
ဢၼ်ပဵၼ် "ၼႃႈလိၵ်ႈၽၢင်ႁၢင်ႈ" တီႈဝီႇၶီႇၼႆႉ ပဵၼ် လွင်ႈသပ်းလႅင်း ၽၢင်ႁၢင်ႈ ဢၼ်မီးဝႆႉတႄႉတႄႉ (ဢမ်ႇၼၼ် ပၢႆးဝူၼ်ႉဢၼ်ယႂ်ႇၵႂၢင်ႈ) တွၼ်ႈတႃႇ ဢၼ်ႁဝ်းမီးဝႆႉ ထႅၵ်ႉ ၸိူဝ်းဢၼ်ၵပ်းၵၢႆႇၵၼ်၊ လႄႈ လႄႈ တီႈဢၼ်တႅပ်းတတ်းဝႆႉဝႃႈ လူဝ်ႇလႆႈမီး ၽိုၼ်ၵႅမ်မိုဝ်းထႅင်ႈ။
တွၼ်ႈတႃႇ တူဝ်ၸီႉၼႄ ၼႃႈလိၵ်ႈၽၢင်ႁၢင်ႈ ၸွမ်းၼင်ႇလၢႆးၶပ်ႉ တူဝ်မႄႈလိၵ်ႈၼၼ်ႉ တူၺ်းတီႈ Category:shn:Features ၼၼ်ႉလႄႈ။